Албан ёсны эрхтэй киног ҮНЭГҮЙ үзэж болох 7 сайт

Та бүхэнд интернетээр шууд үнэгүй үзэж болох, хамгийн гол нь албан ёсны эрхтэй киноны сайтуудыг танилцуулж байна. Та сайт тус бүрийн тайлбарыг сайтар уншихыг хүсье. Учир нь зарим сайтыг үзэхэд тодорхой зааварчилгаа хэрэг болох болно.

Эдгээр киног үнэгүй үзэх заавар: 

Уг сайтуудын ихэнх нь манай улсад шууд гарах боломжгүй учир та Opera веб хөтөч татаж аваад, "Private Window" буюу Incognito нүр шинээр гаргаж ирж байгаад, VPN-ийг асааж, Европ, Ази, Америк гэсэн сонголтуудаас Европ, Америкийг сонгож байгаад сайт руу нэвтрээрэй. Тэгвэл ямар ч асуудал үүсэхгүй шууд үзэх боломжтой болно. Америк улсыг сонговол хамгийн зөв шүү.

Мөн утсан дээр ч үзэж болно шүү. "Opera" аппликэйшн татаж аваад VPN асааж үзээрэй.

1. Crackle 

"Sony Pictures" компани ард нь байдаг болохоор та хууль бус, оюуны өмчийн эрхгүй кино үзэх вий гэж айх зүйлгүй. Гол нь танд VPN хэрэг болно. Өндөр чанартай, олон төрлийн тоглуулагчаас сонгож үзэх боломжтой, сүүлийн үеийн болон алдартай бүтээлүүд багтсан энэ сайтаар заавал зочлоорой.

2. Popcornflix 

Маш олон төрлийн нэг ангит болон ангит киног эндээс шууд үнэгүй үзэх боломжтой. Шинэ хаяг заавал үүсгэж, бүртгүүлэх ч шаардлага байхгүй давуу талтай. 

3. Yidio

Энэ сайтад олон үнэгүй кино байгаа л даа. Гэхдээ хамгийн сонирхолтой, гоё зүйл нь долоо хоногийн 24 цагийн турш тасралтгүй гардаг кино сувгууд нь юм. Та аймшгийн кино эсвэл анимэ, инээдмийн, мэдээ мэдээллийн зэрэг төрлүүдээс сонгоод хэдийд ч үзсэн болно.

4. YouTube

Бидний сайн мэдэх анд нөхөр бол Youtube. Та хайж олж ч чадвал энд маш олон кино байдаг. Үзэхэд ч хамгийн амар хялбар байх. Та киноны нэрээ бичээд хайгаарай. Гол нь хуурамчаар киноны дүрсийг ашиглаж, сайтын линк холбосон олон бичлэг байдгаас болгоомжлох хэрэгтэй. Шууд ороход л гарч байвал үзэхэд аюулгүй гэсэн үг.

5. VUDU

Энэ хэдийгээр үнэтэй киноны сайт боловч "Free" гэсэн тусдаа булан үүсгэсэн байдаг. Бас нэг жаахан асуудалтай зүйл нь та заавал бүртгүүлэх ёстой. Бас үнэгүй киноны дундуур зар сурталчилгаа гардаг. Үүнийг хүлцэж чадна гэвэл энд олон гоё кино бий.  

6. The Roku Channel

Энд маш олон төрлийн хуучин, шинэ кинонууд шууд үзэх боломжтойгоор байрлаж байна. Үе үе 10 секунд хүртэлх зар сурталчилгаа киноны дундуур гарч ирэхийг эс тооцвол тун боломжийн. Зөвхөн АНУ-аас хандаж болдог тул VPN-ээ асаахаа мартуузай. Бас шинэ бүртгэл үүсгэх хэрэгтэй болж магадгүй шүү.

7. MoviesFoundOnline

Энд богино хэмжээний янз бүрийн киноноос авахуулаад хүмүүсийн тэр болгон мэдэхгүй кинонууд арвин бий. Ороод үзвэл таныг сонин содон кинонууд угтаж магадгүй л юм. Бас зөвхөн кино биш янз бүрийн бичлэгүүд ч энд бий.

8. Tubi TV

Тэдний уриа бол "Үргэлж үнэгүй, бас 100% албан ёсны кинонууд" юм. Үнэхээр ч энэ сайтаар зочлох тун урамтай байдаг. Маш мэргэжлийн, чанартай түвшний сайт болох нь шууд мэдрэгдэнэ. Энэ сайтыг нэг ашиглаад эхэлбэл дуртай болно гэдэгт тань эргэлзэхгүй байна.