Дэлхийн хамгийн аз жаргалтай орнуудын тоонд багтдаг Дани улс санхүүгийн боловсролоороо мөн л дэлхийн дахинд үлгэр жишээ болж байна.
Данийн боловсролын систем 13-15 насны хүүхдүүдэд төсөв, хадгаламж, банк санхүү, хэрэглэгчийн эрх гэх мэт санхүүгийн боловсролыг заавал судлах хичээл болгон сургалтын хөтөлбөрт тусгасан байдаг аж. 2015 оноос хойш хэрэгжиж буй энэ хөтөлбөр нь ихээхэн амжилттай байгаа бөгөөд үр дүнд нь хүн амын 71 хувь нь санхүүгийн бичиг үсэг (financial literacy) тайлагджээ.
Энэхүү санаачилгын хүрээнд Дани улс жил бүр “Мөнгөний долоо хоног”-ийг зохион байгуулдаг байна. Уг арга хэмжээний үеэр банк, санхүүгийн мэргэжилтнүүд сургуулиудад очиж хичээл заадаг гэнэ. Санхүүгийн боловсрол олгох зорилготой энэ үйл ажиллагаанд Данийн 700 сургуулийн 20 мянган сурагч оролцдог аж.
Дашрамд, санхүүгийн боловсрол нь баялгийн тэгш бус байдал, цаашлаад дундаж наслалтад чухал нөлөөтэй үзүүлэлт гэгдэж байна. Тиймдээ ч дэлхийн улсууд хүн амынхаа санхүүгийн боловсролыг дээшлүүлэхэд онцгой анхаарал хандуулж байна. Даниас гадна Сингапур, Шинэ Зеланд зэрэг улсууд өөрсдийн гэсэн өөрсдийн үндэсний санхүүгийн боловсролын хөтөлбөрийг хэрэгжүүлж байна.
Эх сурвалж: World Economic Forum
