Сэтгэл зүйн эрүүл мэндийн талаар судлах тусам бид өөрийгөө ойлгон, мэдрэмжээ хүлээн зөвшөөрч, өөр өөр нөхцөл байдалд өөрийгөө болон бусдыг хайрлахад суралцдаг. Энэ оны байдлаар дэлхий дахинд 2 сая гаруй подкаст тогтмол цацагдаж буйгаас сэтгэл зүйн эрүүл мэндийн талаар даацтай, нухацтай авч үзэхийн зэрэгцээ хөнгөн хөгжилтэй, нөхөрсгөөр тайлбарласан шилдэг подкастуудыг бид онцолж байна. Сэтгэл зүйгээ хайрлахын зэрэгцээ англи хэлний мэдлэгээ нэмэгдүүлцгээе.
Өсвөр үеийнхэнд тусгайлан зориулсан энэхүү подкаст одоогоор сэтгэл зүйн бүхий л асуудлыг тайлбарлан авч үзсэн 50 дугаар цацагдаад байна. Өөрөө болон өсвөр үеийн дүү нартаа заавал санал болгоорой.
Подкастын хөтлөгч, зохиолч, сэтгэл засалч Эстер Перел мэргэжлийн хүний үүднээс сэтгэл зүйн төрөл бүрийн траума, ганцаардал, уй гуниг, хагацал зэрэг сэтгэл хөдлөл болон хосын харилцааны үе шатууд, өдөр тутмын үйлдлүүдийн сэтгэл зүйд нөлөөлөх нөлөөллийг тун сонирхолтойгоор өгүүлэх болно.
100 дугаар цацагдаад байгаа "Аз жаргалын лаборатори" подкаст сэтгэл гутралын талаар голдуу хөндөнө. Хөтлөгч нь Йелийн Их сургуулийн доктор Лаури Сантос гэдгийг онцлууштай.
Хүний сэтгэл зүйд сөргөөр нөлөөлдөг өдөр тутмын зан үйл, хүн хоорондын харилцаа зэргийг мэргэжлийн сэтгэл засалч, доктор Брүүк 100 гаруй дугаарын турш уйдамгүй сонирхолтойгоор тайлбарлах болно. Өдөр тутам хэрэгжүүлэх, санаж явах бодит туршлагыг түүнээс суралцаарай.
6. Happier: With Gretchen Rubin
Дэлхий нийтийг хүчтэй хамарч буй ганцаардал, сэтгэл гутрал, технологийн хамаарал зэрэг бусад подкастуудын төдийлөн хөнддөггүй сэдвийг "Илүү жаргалтай" подкаст дэлгэн хүүрнэнэ.
Бидний идэж буй хоол хүнс тухайн өдөр ямар сэтгэл зүйтэй байхад шууд нөлөөлдөг талаар та мэдэх үү? Ус уух, дасгал хийх гэх мэт "улиг" болтол яригддаг дадлууд үнэндээ эрүүл сэтгэл зүйн үндэс биш гэж үү? Сонирхолтой, хэрэгжүүлж болохуйц зөвлөгөө мэдээллийг энэ подкастаас сонсоорой.
8. The Hilarious World of Depression
"Сэтгэл гутралын егөөт ертөнц" гэж орчуулж ч болмоор энэхүү подкаст сэтгэл зүйн эрүүл мэндийн талаар "нухацтай" бус энгийн хөгжүүнээр дэлгэх болно.
9. How Can I Help? With Dr. Gail Saltz
Сэтгэл зүйн эрүүл мэндийн бусад подкастуудаас ялгаатай нь энэ подкаст сонсогчтой шууд холбогдох мэт яриа өрнүүлж, сэтгэлээ уудлах боломжийг олгоно.
10. Wholly Human
Өөрийгөө хайрлах, өнгөрсөн траумагаа эдгээн өөрийгөө ойлгох, өөрийгөө үзэн ядах сэтгэлээ тавьж явуулах зэрэг эмзэг бөгөөд нандин чухал сэдвүүдийг Грэммийн шагналт жүжигчин ЛеЭнн Раймс хөтлөн ярилцах болно.
