"The Hunger Games" цувралын цоо шинэхэн ном гарах тухай сэтгэл догдлом мэдээ дөнгөж цацагдлаа. 2025 оны гуравдугаар сарын 18-нд нээлтээ хийх шинэ номын нэр "Sunrise on the Reaping" байх аж. Албан ёсны ковер нь үүнээс өөр байх болохыг мөн зарлажээ.
2020 онд нээлтээ хийсэн “The Ballad of Songbirds and Snakes" номын кино өнгөрсөн онд нээлтээ хийж ихээхэн амжилт үзүүлсэн. Харин ийнхүү цоо шинэ ном зарлагдах болсноор түүх цааш үргэлжилсээр буйг баталж байна.
“The Ballad of Songbirds and Snakes" номонд Кэтнисс болон Пийта нарын түүхээс 63 жилийн өмнөх үйл явдлыг харуулсан бөгөөд Снөү ерөнхийлөгчийн сэргэн мандалтын тухай өгүүлдэг.
Харин энэхүү шинэ номонд “The Ballad of Songbirds and Snakes" дээрх үйл явдлаас 40 жилийн дараах үйл явдал өрнөх гэнэ. Тэгэхээр бид Хэймичийн үйл явдлаар аялах нь гарцаагүй болж таарч байна.
