1 мин
Оросын төрийн дууллыг "Катюша" орлож магадгүй нь
ОХУ-ын тамирчид ирэх хоёр жил олимп болон дэлхийн аварга шалгаруулах тэмцээнүүдэд эх орныхоо далбаа, төрийн дууллыг ашиглах боломжгүй болсон. Тэгвэл олон улсын хэмжээний спортын томоохон наадмуудад төрийн дууллынхаа оронд ямар дуу ашиглах талаар хэлэлцүүлэг өрнөж байна. Олон сонголт байгаа дундаас хамгийн магадлал өндөртэй дуу нь "Катюша" болж буй тухай "Reuters" мэдээлэв.
"Катюша" бол Дэлхийн II дайны үеэс алдаршсан үндсэрхэг дуу юм. Төрийн дууллынхаа оронд энэ дууг ашиглах саналыг ОХУ-ын Олимпийн хорооны гишүүд дэмжсэн байна.