Коронавирусийн СӨРӨГ хариутай 5000 гаруй хүн "Love of Lesbian" хамтлагийн тоглолт үзжээ
Өнгөрсөн бямба гарагт (2021.03.27) Барселона хотод "Love of Lesbian" хамтлагийн амьд хөгжмийн тоглолт болж, тухайн өдрөө коронавирусийн шинжилгээ өгч сөрөг хариу авсан 5000 гаруй хүн уг тоглолтыг үзжээ. Коронавирусийн анхны тохиолдлоос хойш Европт ийнхүү олон нийтийг хамарсан тоглолт болоогүй юм.
Тоглолтын үеэр коронавирусийн түргэвчилсэн шинжилгээнд бүх зохион байгуулагчид болон оролцогчдийг хамруулжээ. Тоглолт 3 цаг л үргэлжилсэн бөгөөд нийт оролцогчдоос ахин 14 хоногийн дараа шинжилгээ авч, сэжигтэй тохиолдол илэрсэн тохиолдолд шуурхай арга хэмжээг авах юм.
"Love of Lesbian" хамтлагийн ахлагч Санти Балмес "Нийт 18 сарын дараа ийнхүү тайзнаа гарах үнэхээр сайхан байлаа. Үзэгчид жаргалтай байсан хэмээн найдаж байна" гэжээ.
Коронавирусийн улмаас тогтоосон хөл хорионы улмаас олон салбарт уналт болоод буйн нэг нь хөгжмийн ертөнц билээ. 2020 онд Европын хөгжмийн зах зээл 76 хувиар унажээ.
Эх сурвалж: BBC