8 сартай жирэмсэн тамирчин таеквондогийн алтан медаль хүртжээ
Нигер улсад хоёр жил тутамд зохиогддог Үндэсний спортын наадмын таеквондогийн төрөлд 26 настай тамирчин Админат Идриз алтан медалийн болзол хангажээ. Тэрээр 8 сартай жирэмсэн үедээ холимог пумса ангилалд ийнхүү түрүүлсэн нь хүмүүсийн гайхшралыг төрүүлж, тэмцээнд оролцогч бусад тамирчдад урам зориг хайрласан гэж зохион байгуулагчид CNN сайтад өгсөн ярилцлагадаа дурджээ.
An inspiring outing by heavily pregnant Aminat Idrees who won a gold medal for Lagos at the ongoing National Sports Festival in Benin, Edo State.
— National Sports Festival 2020 (@nsf_edo) April 5, 2021
Aminat Idrees who is 8 months pregnant won gold in the Mixed Poomsae category in Taekwondo pic.twitter.com/rr4fxJCfMs
Тэрбээр “Амжилт үзүүлсэндээ маш их баяртай байна. Бие давхар болсны дараа байнга хийдэг байсан бэлтгэл сургуулилтаа ихэд үгүйлсэн. Тиймээс жирэмсэн үедээ ч бас оролдоод үзье гэж санаад, хэд хэдэн удаа бэлтгэл хийхэд ямар ч асуудал гараагүй. Тэгээд л том гэдэстэй байсан ч энэ тэмцээнд орохоор шийдсэн” хэмээн ярьжээ.
Идризийн зоригтой үйлдлийг сайшаах хүмүүс байхад эл үйлдэлд шүүмжлэлтэй хандах хүмүүс ч байгаа аж. Жирэмсний сүүлийн шатандаа орсон эмэгтэй эрчимт спортоор хичээллэх нь урагт сөргөөр нөлөөлж болзошгүй гэж үзсэн байна.
Тэрбээр хариу тайлбар өгөхдөө таеквондо нь дотроо хоёр төрөлд хуваагддаг бөгөөд түүний оролцсон холимог пумса ангилал нь гар болон хөлийн техник үзүүлэх хөдөлгөөний дасгалаас хэтрэхгүй учраас ямар нэгэн аюул байхгүй гэжээ.
Мөн түүнд үзлэг хийсэн эмч болон зохион байгуулагч хороо бусад тамирчидтай барилдахгүй учраас тэмцээнд оролцохыг нь зөвшөөрсөн байна.