1 мин

Эдгээр 3 шивээсээс хийлгэсэн хүнд жилийн турш ҮНЭГҮЙ бургер өгнө гэжээ

Г.Сүрэн 2021.04.19

АНУ-ын Farmer Boys сүлжээ ресторан дээрх 3 төрлийн шивээсийн аль нэгийг хийлгэсэн хүнд жилийн турш үнэгүй бургер өгөхөө амлажээ. Калифорни мужид байрладаг тус ресторан 40 жилийн ойгоо тохиолдуулан брэндийн нэр бүхий 3 шивээсийг үйлчлүүлэгчиддээ санал болгосон нь энэ юм. Ингэхдээ шивээс хийлгэх үйлчлүүлэгч 18 нас хүрсэн байх ёстой. 

Энэ онд олон газраас дээрх төрлийн "хачирхалтай" урамшуулал зарлаад буй. Тайваний нэгэн сүши ресторан "Сүши" гэх нэртэй үйлчлүүлэгч бүрт үнэгүй сүшигээр үйлчлэхээ мэдэгдсэний дараагаар 1000 гаруй хүн нэрээ солиулах хүсэлтээ гаргаж байв.

Мөн АНУ-ын Krispy Kreme донут сүлжээнээс коронавирусийн вакциндаа бүрэн хамрагдсан иргэдэд өдөр бүр шинэхэн донут нарийн боовоор үнэгүй үйлчлэхээ мэдэгдсэн юм. 

Эх сурвалж: CNN

Г.Сүрэн 2021.04.19