1 мин

Гал түймэрт амь насаа алдах эрсдэл өндөр байгааг анхаарууллаа

Э.Намуун 2021.04.20

Өчигдөр Сонгинохайрхан дүүргийн 11-р хорооны оршин суугч М-ын таван ханатай гэр шатаж, иргэн М галд өртөж амь насаа алджээ. Таван иргэн түлэгдэж нийслэлийн яаралтай түргэн тусламжийн төвд хүргэгдсэн байна. Гал түймрийг ХУД-ийн ОБХ-ийн ГТУА 29-р анги унтрааж, ажилласан байна. Мөн Сүхбаатар дүүргийн 11-р хороо "Хангай" хотхоны хойд талд 2х2.5 метрийн хэмжээтэй амбаар шатсан дуудлагаар ГТУА 10 дугаар анги ажиллаж унтраалаа. Уг гал түймэрт нэр, нас тодорхойгүй эрэгтэй нэг иргэн өртөж нас барсан байна. Өнөө өглөө үүрээр тус дүүргийн 19-р хороо Хандгайтын богинод гарсан гал түймрийн дуудлагаар тус дүүргийн ГТУА 74, 34 ангиуд ажиллаж байгаа аж. Ахуйн гал түймэрт хүний амь нас өртөх эрсдэл өндөр байгаа тул сонор сэрэмжтэй байхыг Нийслэлийн Онцгой байдлын газраас анхаарууллаа.