Японд маскны ард ямар царайтай болохыг нь харуулдаг нэрийн хуудас гарчээ
Nagaya Printing гэх Японы нэгэн хэвлэх газар "Инээмсэглэлийн нэрийн хуудас" гэх бүтээгдэхүүн гаргажээ. Энэ нь маскны ард талд үнэндээ яг ямар царайтай хүн байгааг тань бусдад харуулах зорилготой юм.
Тус компани урьд нь хувь хүний танилцуулга, нэрийн хуудсыг амны хаалт дээр хэвлэх санааг мөн анхлан гаргаж байв. Цаг үеэ мэдэрнэ гэдэг чинь л энэ дээ.
Маскны ард ямар хүн байгаа бол гэж тааж суух аргагүй харин ч амар болжээ. Тус компанийн энэхүү санаа олон хүнд хүрч, шинэлэг байдлаараа дэлхий нийтэд танигдаж байна. Хүндрэл бэрхшээлийг ч өөрсдийн бүтээлч байдлаар давуу тал болгон сурцгаая.