Элон Маскийн ээж Мэй Маск "Sports Illustrated Swimsuit"-ийн ковер болжээ
Дэлхийн хамгийн чинээлэг эр гэгддэг "Tesla" компаний үүсгэн байгуулагч Элон Маскийн ээж, 74 настай загвар өмсөгч Мэй Маск "Swimsuit" сэтгүүлийн тусгай дугаарын ковер болжээ. Салбартаа дээгүүрт бичигддэг уг сэтгүүл нь 6 сар тутам спортын дотуур хувцасны дугаар гаргадаг бөгөөд өмнөх дугааруудад реалити шоуны од Ким Кардишиан, дуучин Ciara, хөгжимчин Yumi Nu нар хамтран ажиллаж байв. Мэй Маск уг сэтгүүлийн коверт гарсан хамгийн өндөр настай загвар өмсөгч болж байна.
Мэй Маск "Намайг дотуур хувцасны модель болбол хүмүүс галзуу эмэгтэй гэцгээхээс би айсан бол хийхгүй байхсан. Эмэгтэйчүүд 70-аад насандаа ч сайхан харагдаж болдгийг харуулахыг хүслээ" гэжээ.
Харин энэ тухай дуулсан Элон Маск "Хоол тэжээлийн салбарт хоёр ч зэрэг хамгаалж, хоолны дэглэмийн судалгааныхаа амжилтаар шагнал хүртэж, загварын салбарт үй олон ажил хийдэг ээжээсээ өөр юу хүлээх билээ? Бүр Бейонсегийн клипэнд тоглосон хүн шүү дээ" гэжээ.
Сэтгүүлийн эрхлэгч MJ Day "Танил гэгдэх дүр төрхөөс татгалзаж, илүү өөр төрхийг харуулах нь бидний зорилго. Тиймээс ч өмнөх, одоогийн, цаашдын дүр төрхөө бид нухацтай сонгодог" гэжээ.
Эх сурвалж: CNN