1 мин

Монголын шигшээ баг Азийн Цомын урьдчилсан шатанд БНСУ-ын багт 7:0-ээр хожигдлоо

У.Чинзориг 2022.09.16

20 хүртэлх насны Азийн Цомын тэмцээний урьдчилсан шатны "E" хэсгийн тоглолтууд Улаанбаатар хотноо үргэлжилж байна. "Е" хэсэгт Монгол, БНСУ, Малайз, Шри Ланка улсын багууд хоорондоо тоглох бөгөөд хэсгийнхээ эхний хоёр байрт орсон баг нь дараагийн шатанд өрсөлдөх юм.

Монголын шигшээ баг хоёр дахь тоглолтоо өнөөдөр БНСУ-тай хийж, 7:0-ээр хожигдлоо. БНСУ-ын баг хэсгийнхээ эхний хоёр тоглолтод хожсоноор 6 оноотой болов.

Харин Монголын шигшээ баг одоогоор нэг оноотой байгаа юм. Тэд сүүлийн тоглолтоо ням гарагт 17:00 цагаас Шри Ланкатай хийх бөгөөд үлдсэн тоглолтуудын үр дүнгээс хамаарч хэсгээс шалгарах эсэх нь тодорхой болно.