1 мин

М.Лхагвагэрэл Чөлөөт бөхийн ДАШТ-ээс мөнгөн медаль хүртлээ

У.Чинзориг 2022.09.19

2

Сербийн Белград хотноо чөлөөт бөхийн насанд хүрэгчдийн ДАШТ энэ сарын 10-18-ны өдрүүдэд зохион байгуулагдаж өндөрлөлөө.

Эрэгтэйчүүдийн 125 кг-ын жинд М.Лхагвагэрэл Гүржийн бөх Гено Петриашвилиг 4:2-оор ялж финалд шалгарсан юм. Гено Петриашвили нь “Токио-2022” олимпын наадмын мөнгө, “Рио-2016” олимпын наадмын хүрэл медальт, 2017, 2018, 2019 оны дэлхийн аварга билээ. 

Улмаар алтан медалийн төлөөх барилдаанд олимпын алт, хүрэл, ДАШТ-ий 2 алт, 2 мөнгө, 2 хүрэл медальт, Европын 10 удаагийн аварга Таха Ахгульд 2:6-гаар ялагдаж мөнгөн медаль хүртэв.

М.Лхагвагэрэл Токиогийн олимпод шагналт V байрт шалгарч, өнгөрсөн жилийн ДАШТ-ээс хүрэл медаль хүртсэн бөгөөд өнөө жилийн Үндэсний их баяр наадмаар улсын заан цолыг хүртээд буй юм.  

Энэ удаагийн чөлөөт бөхийн ДАШТ-д Монголын багаас ОУХМ Д.Отгонжаргал болон ДАШТ-д анх удаа зодоглосон Б.Хулан нар мөн мөнгөн медаль, З.Занабазар, Н.Наранхүү нар хүрэл медаль хүртсэн билээ.

У.Чинзориг 2022.09.19

2