1 мин

"Parasite" кинонд гардаг "Жапагүри" хоолыг хэрхэн гэртээ хийж идэх вэ?

О.Анхзаяа 2020.02.18

Оскарын 4 төрөлд шагнал хүртэж чадсан 2019 оны шилдэг кино "Parasite"-ийн нэгэн хэсэг дээр гэрийн эзэд харьж яваагаа хэлээд Жапагүри гэх хоол идэхийг хүсэж буйгаа хэлдэг шүү дээ. Харин Кимийн гэр бүл гэрийг нь буцааж цэвэрлэх гэж бужигналдаж байхад Чонсок Жапагүриг хэдхэн минутын дотор хийх ёстой болдог. Үнэхээр амттай харагддаг тэр хоолыг хэрхэн хийж иддэг тухай олон хүмүүс сонирхож байсан байх. Тиймээс яаж хийдэг тухай мэдээлэл өгөхөөр шийдлээ.

Та бүхэндээ жорыг нь танилцуулж байна.

Танд хамгийн түрүүнд "Chapagetti" болон "Neoguri" гэх хоёр бэлэн гоймон хэрэгтэй. Гэвч яг энэ гоймонгууд олдох боломж хомс учраас Монголд зардаг энгийн жантай гоймонгоос сонгоорой.

Харин дараа нь 200 орчим гр үхрийн мах.

Хоолны савандаа ус буцалгана.

Хэт халаасан хайруулын тавган дээр үхрийн махаа дөрвөлжин хэрчиж шарна. Махан дээрээ цөцгийн тос нэмэх хэрэгтэй.

Дараа нь давс, хар перц, хоолны халбага ургамлын тос нэмж болтол нь шарна.

Буцалсан усан дээрээ гоймонгоо хийн 2-3 минут дэвтээгээд, усыг нь шүүж авах хэрэгтэй. Гэвч бага хэмжээний ус үлдээх ёстойг санаарай. Тэгж байж гоймонгийн соусыг бэлдэх болно.

Дараа нь жаахан устай гоймонгоо саванд дахин хийж халаах ёстой. Дээр нь "Chapagetti" соусаа нэмж, "Neoguri" гоймонгийн улаан амтлагчаас талыг нь хийнэ.