1. Охины дүрд хувирсан эрэгтэй хүүхэд
Кевин ахынхаа найз охины зургийг хараад цочдог хэсгийг санаж байна уу? Тэгвэл найруулагч зориуд эрэгтэй хүүхдийг охины дүрд хувирган зургийг авчээ. Учир нь охидод ингэж хандах нь ёс суртахуунгүй гэж үзсэн байна.
2. Жүжигчин өөрийн дүрийн зохиолыг бичсэн
Авга ах Франкын дүрийг бүтээсэн жүжигчин Келси Граммер өөрөө дүрийнхээ зохиолыг бичиж найруулжээ.
3. Домогт дуучин Элвис Пресли тоглосон
Элвис Преслиг 1977 онд нас барсан гэж үздэг ч нууцлагдмал хэвээр байна. Учир нь 1984 онд түүнийг найзуудтайгаа Нью-Йоркт явж буй гэрэл зураг нь буун үлдсэн. Харин “Гэртээ ганцаараа” кино 1990 онд бүтээгдсэн бөгөөд Элвис хэрвээ амьд бол 55 настай байх юм. Кинонд хэсэгхэн үзэгдээд өнгөрдөг энэ хэсгийн сахалтай эрийг Элвис мөн эсэх маргаан одоо ч үргэлжилсээр байна.
4. 1989 оны “Playboy” сэтгүүл
Кевин ахынхаа өрөөнөөс олдог сэтгүүл Эрика Элиниакын зурагтай 1989 оны долдугаар сарын дугаар байжээ.
5. “Чөтгөрийн пийшин”-тэй хэсэг
Энэ хэсгийг гал гарч буй мэт гэрэлтүүлэхийн тулд хоёр туслах ард нь дэгээ, гар чийдэн барьж зогсжээ.
6. Роберт Де Ниро тоглох гэж байгаад больсон
Хулгайч Харригийн дүрд Роберт Де Ниро тоглохоор сонгогдоод байсан ч цаг үеийн шалтгаанаас хамааран цуцалжээ.
7. Кинон доторх кино
Энэ хэсгийг 1938 оны “Angels with Dirty Faces” киноноос сэдэвлэн “Angels with Filthy Souls” нэртэйгээр “Гэртээ ганцаараа”-д зориулан бүтээжээ.
8. Жүжигчин Жон Кэнди өөрийн бүх үзэгдлийг нэг өдрийн дотор бүтээсэн
Тэр хамт явсан хүүгээ оршуулгын ёслол дээр мартчихсан нь ч дүрээ бүтээхэд нь тусалсан гэж дурссан түүхтэй.
9. Кевиний гарыг "жинхэнээсээ" хазсан
Хулгайчид гэрт дайран орж Кевиний гарыг хаздаг хэсгийг та санах байх. Тэгвэл энэ хэсэгт хүүг үнэхээр хазчихжээ. Сүүлд жүжигчин Маколей Калкин гартаа сорви үлдсэн тухай ярьсан байдаг.
10. Аалз харж ч чаддаггүй жүжигчин Дэниел Стерн нүүрэндээ аалз ойртуулахыг зөвшөөрчээ
Тэр яг нэг л удаа аалз тавихыг зөвшөөрсөн байна. Ингээд үнэн голоосоо айсан тул түүний үзэгдэл тун бодитой болжээ.
11. Доналд Трамп тоглосон
"Гэртээ ганцаараа" 2-р ангийн хэд хэдэн үзэгдлийг Доналд Трампын эзэмшдэг зочид буудалд авч, тэр ч дүр бүтээжээ. Кевин чөлөөтэй гулсахын тулд үүдний хивсийг буулгасан нь Трампад таалагдсан тул буцаан байрлуулаагүй аж.
12. Бүх цаг үеийн шилдэг уран бүтээл
"Гэртээ ганцаараа" киноны эхний анги 12 долоо хоногийн турш шилдэг уран бүтээлийн жагсаалтыг тэргүүлжээ. 1990 оны арваннэгдүгээр сард цацагдсан уг кино 1991 оны зун ч "ТОП-10"-т багтсаар байв.
Ингээд зул сар, шинэ жилийн баярыг "Гэртээ ганцаараа"-тай өнгөрүүлэхээр хүлээх л үлдлээ.
