Шинэ жилдээ зориулаад өвөрмөц, хөөрхөн, шинэ будалт туршиж үзмээр байна уу? Тийм бол ийм нэгэн сонирхолтой будалт интаграм дээр эрчийг аваад байна. @taytay_xx гэх нэртэй хэрэглэгч өөрийн хөмсгийг гацуур мод шиг болгох санааг анх 2017 оны зул сараар олжээ. Гэхдээ уучлаарай, энэ өтгөн хөмсөгтэй эсвэл зүгээр хөмсөгтэй хүмүүст л боломжтой гэдгийг хэлье.
Тэр ийнхүү эхлэлийг тавьсан бөгөөд хүмүүс ч түүнийг дуурайн өөрсдийн хөмсгийг ийн янзалж эхэлжээ.
Зөвхөн эмэгтэйчүүд гэж үү? Бас л үгүй шүү. Залуус хүртэл үнэхээр гоё будсан байна.
2017 онд трэнд гарч байсан уг будалт яагаад энэ жил заавал трэнд болж байна вэ гэж үү? Мэдэхгүй л дээ. Гэхдээ л үнэхээр зарим хүнд таалагдах нь гарцаагүй. Та заавал туршаад үзээрэй.
Таныг алдаагүй дагаж хийгээсэй гэх үүднээс туршилтын бичлэгийг хүргэж байна. Буруу хийгээд шал өөр будалт болчих ч юм билүү.
