Соёлын наадам 2024 Хүй долоо худагт зохион байгуулагдаж байна. СУИС Соёлын яамны дэмжлэгтэйгээр жил бүр зохион байгуулдаг соёлын наадам 14 дэх жилдээ наадамчин олны хүртээл болж байна.
Тус Соёлын наадам 7 сарын 11-ны өглөө 11 цагт “Монгол эрдэнэ” тоглолтоор эхэлсэн юм. Харин өнөөдөр буюу 7 сарын 12-нд дуусах юм байна.
14 дэх жилдээ зохиогдож байгаа соёлын наадамд СУИС-ийн уран бүтээлч багш, оюутнууд зэрэг 200 хүн оролцож байна.
Тус наадамд Монгол хүн бүрийн эрхэмлэн дээдлэх ёс уламжлалыг шингээсэн есөн өртөө байрлан ажиллаж байна. Өртөөгөөр зочилсон жуулчид Монгол биет бус өвийн гайхалтайг мэдэрч, дараа жил дахин ирж үзэх хүсэлтэй байгаагаа хэлж байлаа.
