Зуун жилийн дараа Зуны олимпын наадам Парист эргэн ирлээ. 2017 онд зохион байгуулах эрхээ авснаас хойш хотын захиргаа долоон жил бэлтгэсэн.
Энэ олимпын гол онцлог нь тэмцээн уралдаанууд маш олон түүхэн газарт болох юм.
Усны спортын зарим төрөл нь Сена мөрөнд явагдах жишээтэй.
Сена мөрний усыг цэвэрлэх гэж 1,4 тэрбум евро зарцуулсан.
Парис хотын дарга, Спортын сайд хоёр голын ус цэвэр гэдгийг харуулах гэж өөрийн биеэр сэлсэн билээ.
Олимпын наадам энэ сарын 26-наас наймдугаар сарын 11 хүртэл явагдана.
