Нэгэн шинэ судалгаагаар 2014 онд Робин Уильямс болон 2018 онд гурван өдрийн зайтай гарсан Кейт Спэйд, Энтони Бурдейн нарын амиа хорлолтын дараа хүмүүсийн амиа егүүтгэх оролдлого хурдацтай, өргөн тархсан байна. Үүнийг “Амиа хорлолтын халдвар” гэдэг аж.
Колумбын их сургуулийн судлаачид амиа хорлолтын динамикийг судлахын тулд компьютерийн загвар буюу модулийг зохион бүтээжээ. Үүний үр дүнд тэд 2014, 2018 оны алдартнуудын үхэл аль аль нь амиа хорлох бодол, зан үйлийн өсөлтөд нөлөөлж, нэмэгдүүлсэн болохыг тогтоожээ.
"Бидний энэхүү судалгааны хүрээнд хүмүүсийн амьдрал болоод бүтээлийг нь ихээр хүндэлж, харж, үздэг алдартнуудын амиа хорлолт бусад даган биширдэг, хардаг хүмүүсийн бодол, үйлдэлд нөлөө үзүүлдэг болохыг харж болно" гэж судлаач Жеффри Шаман хэлжээ.
Амиа хорлох бодол болон сэдэл төрүүлэх хүчин зүйл дангаар оршдоггүй. Гэхдээ энэхүү үйлдэлд хөтөлдөг шалтгаанууд нийгмээс болон тодорхой бүлэг, үйл явдлаас үүсэлтэй байдаг. Амиа хорлосон хүмүүстэй ойр дотно байсан, таньдаг мэддэг, шүтдэг байсан, холбоо хамааралтай байх нь амиа хорлох санаа, оролдлогыг өдөөдөг гэнэ.
CDC-гийн мэдээлснээр амиа хорлолтын түвшин 2000-2018 оны хооронд 37 хувиар өсч, 2018-2020 оны хооронд 5 хувиар буурч, 2021 онд дээд цэгтээ хүрсэн байна.
2014 онд жүжигчин Уильямс амиа хорлосон тухай мэдээний дараа хүн амиа хорлох тухай бодож эхлэх магадлал мянга орчим тоогоор нэмэгдсэн гэж тооцоолжээ. Энэхүү тооцооллыг АНУ дахь “Lifeline“ буюу амиа хорлохоос сэргийлэх дуудлагын төвд ирсэн дуудлагуудаас тооцоолон гаргажээ.
Эх сурвалж: www.publichealth.columbia.edu
