Дархан хотод ирсэн Буриадын жуулчид тус хотод байдаг Ю.Цэдэнбал, түүний гэргий Анастасия Филатова нарын хөшөөний бичигт алдаа гарсныг олсноо Шинэ Буриад сайтад мэдээлжээ.
Тэд “Анастасия Филатова гэхийг Анастастия Филатова гэж бичсэн байна. Аргагүй л дээ, энэ хөшөөг улсаас биш хувиараа барьсан юм. Ю.Цэдэнбалын дүүгийн охин хөрөнгө мөнгийг нь гаргасан” гэж бичсэн байлаа. Мөн “Энэ бол хоёр зүтгэлтний хамтдаа дүрслэгдсэн цорын ганц хөшөө. Дархан хотыг байгуулахыг 1961 онд Ю.Цэдэнбал санаачилж байсан юм” гэж тайлбар хийжээ.
