Өнөөдөр улс орон даяар аймаг, нийслэл, сум, дүүргийн иргэдийн төлөөлөгчдийн хурлын сонгууль явагдаж өндөрлөлөө. Энэ удаагийн сонгуульд нийтдээ 2,246,164 иргэн оролцохоос 53.1 хувь нь саналаа өгсөн юм.
Тэгвэл МАН-аас дөнгөж сая санал хураалтын урьдчилсан үр дүнг танилцууллаа.
Нийслэлийн энэ удаагийн сонгуульд урьдчилсан дүнгээр МАН-ын 40 нэр дэвшигч ялалт байгуулав. Ингэснээр ирэх жилүүдэд Нийслэлийн иргэдийн хурлын 45 суудлын 40-ийг нь МАН эзэгнэхээр боллоо.
Түүнчлэн 14 аймагт МАН-ын нэр дэвшигчид үнэмлэхүй ялалт байгуулжээ. Тэдгээрт, Архангай, Баянхонгор, Өвөрхангай, Завхан, Увс, Булган, Хөвсгөл, Орхон, Дархан-Уул, Сэлэнгэ, Дорнод, Говьсүмбэр, Дорноговь, Дундговь аймгууд багтаж байна.
