Австралийн гал сөнөөгчид алс тэртээ 1993 онд цээж нүцгэн хуанли гаргаж, орлогоо хүүхэд багачууд, гал түймрийн хохирогч зэрэг хүмүүст хандивлаж эхэлсэн билээ. Удалгүй энэ явдал уламжлал болон үлдэж, дэлхий дахинд түгэн тарсан. Австралийн гал сөнөөгчид хэдийн ирэх жилийн хуанлиа гаргачихсан байгаа бол энэ удаад Хонконгийн гал сөнөөгчид цээж нүцгэлэн хүрээд ирлээ. Хонконгийн Гал командаас 2025 оны шинэ хуанлигаа “Байгалийн гамшгийн хор хохирлыг арилгах, хохирогчдод туслах” сэдвээр гаргах болсноо зарлалаа. Эхний хэдэн зургийг танилцуулсан бөгөөд ойрын үед худалдаанд гарна гэж зарласан байна.
