Америкийн дуучин, Z үеийнхний од Билли Айлиш өнөөдөр 23 нас хүрлээ. Хорьж болдоггүй хорин насандаа дэлхийн хамгийн алдартай дуучдын нэг болсон түүний тухай 23 баримтыг танилцуулж байна.
Бүтэн нэр нь Билли Эйлиш Пират Бэрд О'Коннелл.
2020 онд Айлиш Дэлхийн хамгийн орлоготой эмэгтэй дуучдын жагсаалтын 3-т бичигдэж байв.
Айлиш “Ocean Eyes” хитээр нэрд гарсан. Ах Финнеастайгаа хамт хийсэн дуу. Ах нь түүний продюсер.
Хамгийн залуудаа дөрвөн Грэмми шагнал хүртсэн уран бүтээлч хэмээн Гиннем номд бүртгэгдсэн.
Аав нь алдартай жүжигчин Патрик О’Коннел, ээж нь хөгжмийн зохиолч Мэгги Бэрд.
11 наснаасаа дуу зохиож эхэлсэн.
Мах иддэггүй, цагаан хоолыг илүүд үздэг.
Туреттын синдром хэмээх өвчинтэй тэмцэж байгаа. Хөмсгөө өргөн, үе үе нүдээ анивчаад эхэлдэг.
Айлиш сургуульд сураагүй, гэрээр боловсрол эзэмшсэн. Үүндээ ээж, аавдаа их баярладаг.
Багадаа мэргэжлийн бүжигчин болох мөрөөдөлтэй байсан. “Ocean Eyes” дуугаа тэр аянд нь бүжиглэх гэж л зохиосон байна. Гэмтсэнийхээ дараа бүжигчин болох мөрөөдлөө орхижээ.
Хүн өөрт нь инээмсэглэхэд дургүй. Учир нь хариуд нь хүчээр инээмсэглэх гэж их зовдог гэнэ. Зурган дээр ч инээмсэглэхээс зайлсхийдэг. Инээхээр сул дорой мэт санагддаг гэнэ.
Түүний судсаар ирланд, шотланд цус гүйж байгаа.
Билли Айлиш АНУ-ын чартад тэргүүн байр эзэлсэн XXI зуунд төрсөн анхны дуучин.
Хээнцэр ганган хувцсанд дургүй тул жирийн хувцаслах дуртай.
“You should see me in a crown” дуугаараа Японы зураач Такаши Мүракамитай хамтран хүүхэлдэйн клип хийсэн. 2019 онд Мүракамитай хамтран хувцасны загвар зохион гаргасан юм.
161 см өндөр, 50 кг жинтэй. Гэхдээ өндөр харагдахын тулд зургаа өөрөөр авхуулж, өндөр өсгийтэй гутал өмсдөг.
Түүний инстаграм 43 сая дагагчтай ч Айлиш олон нийтийн сүлжээнээс болгоомжилдог.
Биеийн харьцаа 76/61/84. Гэхдээ дандаа том хэлхгэр хувцас өмсдөг тул хэн ч яг таг хэлж чадахгүй.
Лана Дель Рейг өөртөө маш их нөлөө үзүүлсэн гэж тооцдог. Мөн The Beatles, Аврил Лавин. Жастин Биберийг сонсож өсжээ.
Үеийнхнийхээ муу нөлөөнд автаж байгаагүй. Хар тамхи, тамхи хэрэглэдэггүй.
Аймшгийн кино, нэвтрүүлэг үзэх дуртай. Айх дуртай гэж нэгэнтээ хэлж байв.
Тэрээр өөрийн олон нийтийн сүлжээ, майл, клип, хөгжим, хувцас, стилиэ зөвхөн өөрөө бүрэн шийддэг. Хүнээр заалгаж, хийлгэснээс үхсэн нь дээр гэж үздэг.
Рэп дуучин Брэндон Адамс, жүжигчин Мэттью Тайлер Уорс, дуучин Жсси Резерфорд нартай үерхэж байсан. 2023 онд “Эмэгтэйчүүдэд дуртай” гэж хэлж шуугиан тарьсан ч дараа нь инстаграмдаа эрэгтэй, эмэгтэй аль аль нь таалагддаг гэж ярьсан.
