ФА бол дэлхийн хамгийн эртний хөлбөмбөгийн тэмцээн билээ. Өнөө жил бид эл тэмцээний 144 дэх улирлыг гэрчилж байна.
Премьер лигийн багууд гуравдугаар шатнаас уг өрсөлдөөнд нэгддэг. Энэ тойргийн онцлох дуулианыг “Арсенал” болон “Манчестер Юнайтед” багуудын тоглолт тарьсан бол дөрөвдүгээр шатнаа ямар сонирхолтой оноолтууд таарсныг та бүхэндээ танилцуулж байна.
Энэ тойргийн онцлох оноолтоор “Брайтон” болон “Челси”-гийн төдийгүй “Астон Вилла” болон “Тоттенхэм”-ийн тоглолтыг нэрлэж болох юм. Түүнчлэн Премьер лигийн багуудаас “Манчестер Юнайтед” болон “Лестер Сити”, “Эвертон” болон “Борнмоут” хоорондоо таарчээ.
ФА цомын тэмцээний дөрөвдүгээр шатны тоглолтууд 2-р сарын 7-10-ны өдрүүдээр явагдах хуваарьтай байна.
