Шинэ долоо хоногийн мэнд хүргэе! 2025 оны эхний сар хэдийн дуусах дөхжээ. Шинэ он, шинэ сардаа зорьсон зорилгоо биелүүлж байгаа гэдэгт тань итгэж байна. Ингээд та бүхэндээ энэ долоо хоногт зарлагдсан шинэхэн эвент, хөгжмийн тоглолт, төрөл бүрийн бүтээлч өдөрлөгүүдийг танилцуулъя.
Нэгэн үдшийг гайхалтай хөгжмөөр чимж, дурсамж дүүрэн өнгөрүүлэхийг хүсвэл энэ эвентийг зориорой. Амьд хөгжим, асахи шар айргийг хамт мэдрэх боломж энд бий.
Хэзээ: 1 сарын 24
Хаана: Brut 19'32 Brasserie
Тасалбарын үнэ: үнэ төлбөргүй
Хатаасан цэцгээр бүтээл урлаж, тухлаг орчинд намуухан аяс сонсонгоо сэтгэл тархиа амраан өөрийгөө эрхлүүлж, шинэ хоббитой болоод суралцаад авах боломжтой сонирхолтой арга хэмжээ энэ долоо хоногт болох нь ээ. Найзуудтайгаа, дотны хэн нэгэнтэйгээ өнгөрүүлэхэд маш гоё бүтээлч болзоо болох ч юм бил үү.
Хэзээ: 1 сарын 25
Хаана: Cosy Club Ulaanbaatar
Тасалбарын үнэ: 120,000₮
ЯПОНД СУРАЛЦАЦГААЯ - БОЛОВСРОЛЫН ӨДӨРЛӨГ
Японд удаан амьдрахад хамгийн зөв, хурдан юу вэ? Япон улсад хэрхэн суралцах вэ? Энэ бүх мэдээллийг энэ өдөрлөг танд өгөх аж. Сургуулийн төлөөлөгчид танд япон улсад хэрхэн суралцах, төлбөрүүд, боломжууд, виз гаралт, бичиг баримт бүрдүүлэлт, сургууль сонголт гэх мэт бүхий л зөвлөгөө мэдээллийг нэг дороос хүргэх болно.
Хэзээ: 1 сарын 25
Хаана: Blue Sky
Тасалбарын үнэ: үнэ төлбөргүй
Энэ эвентийн онцлог нь одоо цагт Монголд идэвхтэй уран бүтээлээ туурвиж буй болон шинэ залуу ‘Black Metal’ урсгалаар тоглодог 4 хамтлаг тоглохоос гадна 2023 онд байгуулагдсан “Grave forest” хамтлагийн анхны “Phrechoria 2025” цомгийн нээлт болох аж.
Хэзээ: 1 сарын 25
Хаана: Sparrow
Тасалбарын үнэ: 40,000₮
Өрнө дорнын өөр өөрийн өнгө аястай бүтээлүүдийг нэгэн тайзнаас сонсож, сэтгэлийн Анираа хөглөөрэй.
1. Хос эрвээхэйХятадын Ромео Жульетта гэдгээрээ алдартай Эмгэнэлт хайрын түүхийг өгүүлсэн энэхүү хөгжмийн зохиол нь 1959 онд зохиогджээ.
2. Шахерезада- симфони сюитаНиколай Римский - Корсаков 1888 онд Арабын 1001 шөнийн үлгэрээс сэдэвлэн энэхүү 4 ангит симфони сюитээ бүтээжээ.
Хэзээ: 1 сарын 26
Хаана: Улаанбаатар театр
Тасалбарын үнэ: 50,000₮
"ХҮЛЭЭХ ӨРӨӨ" УСК Нээлтийн үзвэр
"Хүн болгон амьдралаас өөр өөр зүйлсийг хүсэн хүлээдэг. Хадгаламжиндаа сар бүр мөнгө хийгээд аялалд явах өдрөө хүлээх, хайртай хүнээ сургуулиа төгсөөд ирэх тэр өдрийг хүлээх, өлсөж өлсөж байгаад халуун ус гоймондоо хийчихээд болохыг нь хүлээх гээд л... Хэцүү хэрнээ сэтгэл догдлом бас тэвчээр шаардсан... Тэгвэл амьдрал хүлээх ямар бол?..."
Хүлэгү Пикчерс, Favway болон Skygo хамтын бүтээл болох "Хүлээх өрөө" УСК нээлтийн арга хэмжээ болон нээлтийн үзвэр энэ долоо хоногт болох гэж байна.
