Өмнөд Солонгосын алдарт жүжигчин Ким Сү Хён нь амиа хорлон энэ ертөнцийг орхисон жүжигчин Ким Сае Ронтой 15 настайгаас нь үерхэж байсан, дарамталсан гэх мэдээлэл угаасаа “цахим амьдралтай” тус улсад асар их шуугиан тарьсан билээ. Иргэд хоёр талцан муудалцаж, олон нийтийн сүлжээ ч энэ талаар л бичиж байна. Шуугиан гарснаас хойш олон нийтийн өмнө гарч ирээгүй Ким Сү Хён өчигдөр /2025.03.31/ хэвлэлийн бага хурал хийлгэлээ.
Нийт 45 минут үргэлжилсэн хэвлэлийн хурал дээр тэр Ким Сае Ронтой насанд хүрээгүй байхад нь үерхэж байгаагүй гэдгээ мэдэгдэж, мөнгө зээлээд дарамталсан гэдгээ үгүйсгэж, үхэлд нь ямар ч хамаагүй гэдгээ зарласан. Нулимс дуслуулан өөрийгөө өмөөрөхдөө тэрээр Ким Сае Роныг нэг ч удаа нэрээр нь хэлсэнгүй, дандаа талийгаач гэж байлаа.
Эцэст нь тэр шүүхэд хандаж, бүсгүйн ар гэр болон авга эгч, GaroSero Research Institute юүтүүб сувгаас сэтгэл санаа болон нэр төрийн хохирол хэмээн 12 тэрбум вон нэхэмжилсэн байна.
Хэвлэлийн бага хурлын дараах сэтгэгдлүүд:
Жүжигчин гэхэд муу жүжиглэж байна.
Маш том торгууль төлөх болбол чи яах вэ? Сү Хён…
Уйлж унжилгүй баримтаа ярь л даа. Хэт уйлаад байхаар улам сэжигтэй санагдаж байна.
Уйлангаа мөнгө нэхэх нь хачирхалтай. Гэхдээ кино зохиол уншиж байгаа мэт байна.
Нулимсны шалтгаан нь төлбөрийн мөнгө.
Өөрийгөө хохирогч гэх нь арай л хэтэрхий.
Үнэн юм ярьсан хүн уйлдаггүй.
Кимийн сэтгэл зүйг шалгах хэрэгтэй. Социопат, психопат?
Өөрийгөө өмөөрөх тусам сэжигтэй байдаг.
Чи дууссан.
Ус уугаад, тайван байснаа гэнэт нулимс... Ха-ха
Бүсгүйг тайван орхиосой.
Оддын өвчин туссан байна.
Өнөөдрийн дүр нь “Алдарт од, нулимс, хэвлэлийн хурал” киноны дүр байлаа.
Чамд хайртай байсан Сае Рон, одоо тэнгэрт байна. Ядаж түүнээс уучлал гуй л даа.
28 настай туршлагатай эр хүн, анхны хайртайгаа учирсан 16 настай охин хоёрын хэнд итгэх вэ?
Хурал дуустал зөвхөн өөрийгөө л ярилаа. Компаниа л өмгөөллөө. Харин охины үзэж туулсан доромжлол, зовлонгийн талаар нэг ч удаа бодож үзээгүй бололтой.
Хууль ёсоор насанд хүрээгүй хүнтэй харилцаа тогтоох нь гэмт хэрэг биш. Гэхдээ нэр хүнд нь навс уналаа. Ар гэртэй нь шүүхдэнэ гэдэг бүр хэтэрлээ.
Уучлал гуйхгүй байна гэдэг өөрийгөө буруугүй гэж бодож байгаагийн илрэл.
Энэ явдлыг GaroSero илчлээгүй бол Ким улам баяжаад л байх байлаа.
Олны танил гэдгээрээ мөнгө олж байгаа бол үйл хөдлөлдөө анхааралтай бай.
