Найруулагч Сэм Мендес 2028 онд нээлтээ хийх “The Beatles“ хамтлагийн түүхийг харуулах намтарчилсан бүтээлийнхээ гол дүрүүдийг ёслол төгөлдөр танилцууллаа.

Гэхдээ энэ кино зүгээр ч нэг ангит бүтээл байхгүй бөгөөд дөрвөн гишүүний амьдралыг тус бүрийнх нь өнцгөөс харуулсан дөрвөн тусдаа бүтээл болон гарах юм.

Тус бүтээлийн “American Beauty“ (1999), “1917“ (2019) зэрэг бүтээлийг найруулсан алдарт найруулагч Сэм Мендес бүтээх болно.

Гол дүрүүдтэй танилцаарай.
Пол Маккартнигийн дүрд жүжигчин Пол Мескал

29 настай жүжигчин эр “Gladiator II”, “Aftersun”, “All of Us Strangers“ зэрэг бүтээлүүдээрээ алдартай билээ.
Жон Ленноны дүрд жүжигчин Харрис Дикинсон

28 настай жүжигчин эр “Beach Rats“ хэмээх кинонд тоглосноор олны танил болсон бөгөөд түүнээс хойш “Triangle of Sadness“, “Babygirl“ зэрэг бүтээлүүдээр алдаршсан билээ.
Жорж Харрисоны дүрд жүжигчин Жосеф Күинн

31 настай жүжигчин эр “Stranger Things“ цувралын Эддигийн дүрээр дэлхийд танигдсан билээ. “A Quiet Place: Day One” болон “Gladiator II” кинонуудад дүр бүтээсэн тэрээр “The Fantastic Four: First Steps“ кинонд тоглож, “Avengers: Doomsday” болон “Avengers: Secret Wars” кинонуудад ажиллах юм.
Ринго Старрын дүрд жүжигчин Барри Кеоган

Кеоган “Dunkirk”, “The Green Knight” болон “The Banshees of Inisherin”, мөн “Saltburn” кинонд дүр бүтээж олны танил болсон билээ.
Энэхүү дөрвөн жүжигчний бүтээх дөрвөн кино бүхэлдээ 2028 оны 4 сард нэгэн зэрэг гарахаар төлөвлөгдөж байна.
