НӨАТ-ын баримт бүртгэдэг Ebarimt аппликэйшн өчигдрөөс нэвтрэх боломжгүй болсон билээ. Ebarimt аппликэйшн болон Ebarimt.mn сайтаар дамжуулан авдаг бусад үйлчилгээ ч алдаа заан саатсанй байна. Энэ талаар Татварын ерөнхий газраас тодруулахад “И-баримт сайт, аппликэйшнд гэмтэл гарсныг засварлаж байна. Хэвийн болох хугацааг одоогоор тодорхой хэлэх боломжгүй байна” хэмээжээ.
Системийн өгөгдлийн санд гэмтэл гарсантай холбоотойгоор Ebarimt аппликейшн болон Ebarimt.mn сайтаар дамжуулан Эрүүл мэндийн даатгалын шимтгэл төлөх боломжгүй болж байгааг ч мөн мэдэгджээ. ЭМДШ-ийг E-Mongolia аппликэйшнээр төлөх боломжтой юм байна.
