Сагсан бөмбөгийн Азийн Аваргуудын лигийн тэмцээний “В” хэсэгт хуваарилагдсан “Хасын Хүлэгүүд” Тайванийн “Кингс” багийг талбайд нь хожсон нь өнгөрсөн сарын явдал билээ.
Тэгвэл тавдугаар сарын 12-ны өдөр тэд “Кингс”-ийг талбайдаа хүлээн авч тоглоод, 94:73 харьцаатайгаар ахин буулгаж авлаа.
Улмаар “Хүлэгүүд” хэсгийн шатнаа дөрөв дэхиэ дараалан хожсон нь энэ.
“Хүлэгүүд”-ээс өнөөдрийн тоглолтод Ян Миллер 23 оноог авсан бол Жордан Толберт 16 оноо, Ч.Ихбаяр 14 оноо, Д.Мөнхтүвшин 13 оноо, Б.Барсболд 12 оноо, А.Азбаяр 9 оноо, Жорди Тшиманга 5 оноо, О.Сэргэлэн 2 оноогоор багтаа тусалсан.
“Хүлэгүүд” тавдугаар сарын 14-ны өдөр “Адройт” багтай, тавдугаар сарын 15-ны өдөр “Hi-Tech“ багтай тоглох хуваарьтай байна.
