Азийн эмэгтэйчүүдийн Аваргуудын лигийн тэмцээний 2025-26 оны улирал 8-р сарын 25-ны өдрөөс эхэллээ.
Монголоос анх удаа энэ тэмцээнд оролцож буй “Ховд Вестерн” багийнхан нээлтийн тоглолтод Филиппиний “Stallion Laguna” клубийн эсрэг тоглож, 6:1-ээр хожигдсон.
"Ховд Вестерн”-ий түүхэн энэ гоолыг Өмнөд Солонгос тоглогч Ли Нари оруулсан юм.
Тэд уг тэмцээний “А” хэсэгт Мьянмарын “I.S.P.E”, Филиппиний “Stallion Laguna”, Гуамын “Strykers” багуудын хамтаар хуваарилагдсан.
“Ховд Вестерн”-ийхэн 8-р сарын 28-ны өдөр “I.S.P.E”-тэй, 8-р сарын 31-нд “Strykers” багтай тоглох хуваарьтай байгаа юм.
Энэ хэсгийн бүх тоглолтууд Мьянмарын Янгон хотноо болно.
