Шотландын “Селтик”-ийг урьдчилсан шатнаас мулталж, Аваргуудын лигт анх удаагаа оролцохоор шалгарсан Казахстаны “Кайрат Алматы” багийнхан түүхэн амжилт бүтээхээр зэхэж байна.
Тэд Аваргуудын лигийн хэсгийн шатнаа Испанийн “Реал Мадрид”, Италийн “Интер”, Английн “Арсенал”, Бельгийн “Брюгге”, Грекийн “Олимпиакос”, Португалийн “Спортинг”, Киприйн “Пафос”, Данийн “Копенгаген” багуудтай хүч сорих юм.
“Кайрат Алматы” багийнхан “Спортинг”-той тоглохын тулд Алматыгаас Лиссабон хүртэлх 6900 км замыг туулахаар болсон. Ингэснээр тэд Аваргуудын лигийн түүхэн дэх хамгийн хол аялалд мордоно гэсэн үг.
Мөн “Реал Мадрид” багийнхан “Кайрат Алматы”-тай тоглохын төлөө Мадридаас Алматы хүртэл онгоцоор нисвэл 12 цаг, нисэхээс айдаг хүмүүс машинаар давхивал 87 цагийн урт аяныг туулах шаадлагатай нүүр тулаад байна.
