UBLife Logo
Спорт

Хөлбөмбөгийн шуугиант наймаа, дуулиант халаанууд | Баасан гарагийн хов жив

Хөлбөмбөгийн шуугиант наймаа, дуулиант халаанууд | Баасан гарагийн хов жив

Та бүхэнд дэлхийн хөлбөмбөгийн эргэн тойронд өрнөж буй шинэ, сонирхолтой мэдээллийг багцлан хүргэж байна.


“Тоттенхэм” багийнхан Германы “РБ Лейпциг”-ийн довтлогч Шави Симонсыг 60 сая еврогоор эгнээндээ нэгтгэлээ.

Нидерландын шигшээ багийн тоглогч “Челси” идэвхийлсэн сонирхоод авч чадаагүй билээ.

Өдгөө 22 настай тэрбээр “Барселона”-гийн Ла Масиа академид бэлтгэгдэн, “РБ Лейпциг”-ийн төлөө 78 тоглолтод оролцохдоо 22 гоол оруулж, 24 гоолын дамжуулалт бүртгүүлсэн байна.

“РБ Лейпциг” багийнхан энэ зун Бенжамин Сеског мөн Премьер лигийн “Манчестер Юнайтед” клубт арилжсан.

Тэгвэл “Челси” Алехандро Гарначог 40 сая фунтээр худалдаж авав.

Улаан чөтгөрүүдийн ирээдүй гэгдэж байсан 21 настай Гарначо энэ улирлын эхэнд ер ашиглагдаагүй билээ.

Костас Цимикас "Рома" явахдаа бэлдэж байна. Түүнийг Италийн баг зээллэгээр авах болсон.

Их буучид Якуб Кивиорыг “Порто”-д арилжаад, “Леверкузен”-ээс Пьеро Хинкапиег авчрахаар шийджээ.

Туркийн багууд шил шилээ дарж, дуулиант халааг зарлалаа. “Бешикташ” Конференц лигээс мултарсныхаа хилэнд дасгалжуулагч Оле Гуннар Сульшерийг халсан.

Тэгвэл Аваргуудын лигээс хасагдсан “Фенербахче” онцгой нэгэн хочит Жозе Моуриньогоос нүүрээ буруулав.

Үнэгнүүдийн домогт тоглогч Жэйми Варди Сери А лигийн “Кремонезе” багтай зөвшилцөж байна.

Шаазгайнууд Бундес лигийг цөлмөгчдийн эгнээнд нэгдлээ. Тэд “Штутгарт”-ийн довтлогч Ник Вольтемэйдийг 80 гаруй саяар үнэ цохиж авав.

Ингэснээр “Ливерпүүл” багийнхан Александр Исактай тохиролцох бололцоо нээгдлээ.

ЭНЭ МЭДЭЭНД ӨГӨХ ТАНЫ СЭТГЭГДЭЛ?
0
0
0
0
0
0
0
0

СЭТГЭГДЭЛ БИЧИХ
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.