Алдарт дуучин маань 2026 оны нэгдүгээр сард цацах цомгоо Stove буюу зуух/цахилгаан зуух (плитк) гэж нэрлээд цахим орчинд багагүй шуугиан тариад байгаа билээ.
Лана бол фенүүдийнхээ дунд сахиусан тэнгэр, гунигийн хатан хаан, үлгэрийн шидтэн л гэсэн үг. Тэрээр өөрийн өвөрмөц зан төрх, этгээд үйлдлээрээ хөгжмийн ертөнцөд шинэ салхи авчирдаг нэгэн. “Stove” цомог ч мөн адил үр дүн авчрахаар сонсогчдынхоо дунд хүлээлт үүсгээд буй цагт зарим фенүүд нь цомгийн нэр хачирхалтай санагдсан тухай өөрсдийн цахим ертөнцдөө хуваалцсаар буй.
Гэвч тэр бол Лана шүү дээ. Яг л “Summertime Sadness” дуун дээрээ “Nothing scares me anymore” гэж дуулдаг шигээ юу ч өөрийг нь айлгахаа больсон тухайд, өөрийнхөө хэнэггүй, өвөрмөц хэв маягаа дахин баталж байх шиг. Амьдралын ханхүүгээрээ “матартай намагт нуурын завин аялал зохион байгуулагч хөтчийг” сонгосон. Ланаг нимгэн нэвсгэр прэри маягийн даашинз өмсөж, үсээ харандаагаар тогтоогоод хуучин загварын ваартаа өнчин гөрөөсний сүү халааж байгаагаар төсөөлөх ч бүтэшгүй зүйл биш.
Өнгөрсөн он жилүүдэд домог болсон романтик нэрсийг (Did You Know That There’s a Tunnel Under Ocean Blvd? Chemtrails Over the Country Club?, Born to Die? гэх мэт) өгч байсан Лана яагаад гэнэт цомгоо Stove гэж нэрлэхээр болов?
Угтаа Stove анхнаасаа цомгийн нэр байгаагүй бөгөөд Лана сүүлийн хэдэн сар хэд хэдэн сонголтын хооронд эргэлзсээр, эцэст нь энэ нэрийг сонгожээ. Анх Lasso, дараа нь The Right Person Will Stay гэж нэрлэгдэхээр байсан ч цомогтоо зургаан шинэ дуу нэмээд Stove гэж нэрийджээ.
Ингээд интернэт орчинд түүний цомгийн талаар юу гэж шуугьж буйг хуваалцъя:
"Зөв хүн үлдэнэ" гэдгээс яаж яваад зуух руу орчхов оо
"Зуух аа"?? Окей Лана
Одоогийн Лана Дел Рейин шүтэн бишрэгч байх гэж хичээх үнэхээр хэцүү юм аа, удахгүй гарах цомгийнх нь нэр ‘Зуух’ гэж юу гэсэн үг вэ?
Цомгийнхоо нэрийг "Зуух" болгочихоод, нэгдүгээр сар хүртэл гаргахгүй гэж үү? Баяртай охин минь
Дөрвийн дөрвөн нэр цацсанаас тэр "зуухыг" сонгочихлоо
зуух-Лана Дел Рей
Шинэ цомгийн нэрийн талаар та юу гэж бодож байна? Одоо бүгдээрээ Лана маань энгийн нэг гал зуухны тавилгыг хэрхэн уянгалаг зүйл болгож мөнхлөхийг хүлээх л үлдлээ.
Эх сурвалж: энд дарна уу.
