2026 оны футзалын Азийн АШТ-ий урьдчилсан шатны “А” хэсгийн тоглолтууд есдүгээр сарын 20-24-ний өдрүүдээр Кувейт улсад явагдаж өндөрлөв.
“А” хэсэгт Монгол, Австрали, Кувейт, Энэтхэгийн шигшээ багууд хуваарилагдсан юм.
Монголын багийнхан Австралийн шигшээд 8:1-ээр, Кувейтийн багт 6:2-оор, Энэтхэгийн шигшээд 3:0-ээр хожигдлоо.
Австралийн эсрэг Э.Пүрэвдорж гоолдсон бол Кувейтийн хаалганд Т.Анхбаяр хоёр гоолыг шигтгэсэн байна.
“А” хэсгийг Австрали болон Кувейтийн багууд тэргүүлж, 2026 онд Индонез улсад болох футзалын Азийн АШТ-д оролцох эрхээ авсан юм.
Сонирхуулахад, мөнхүү тэмцээнд Иранчууд 13 удаа түрүүлсэн бол Японы багийнхан дөрвөнтөө түрүүлсэн байдаг.
