Цахим спортын “The MongolZ” баг өөрийн тоглогч, 19 настай Senzu-г дахин гараанд гарахгүй гэж мэдээлсэн нь шуугиан тарьж байна. Энэ нь тус баг хоёр жилийн дотор анх удаагаа хийж байгаа өөрчлөлт юм. The MongolZ болон Senzu сүүлийн жил Монголын цахим спортын түүхийг шинэчлэн бичсээр ирсэн билээ. Тиймээс гадаадын шинжээч нар энэ шийдвэрт тун гайхаж байгаа юм. Тэднийг Будапешт хотод болох мейжор тэмцээний өмнө эрс шинэчлэл хийх гэж байна гэж үзэх хүн олон байна.
The MongolZ:
Garidmagnai “bLitz” Byambasuren
Sodbayar “Techno” Munkhbold
Usukhbayar “910” Banzragch
Ayush “mzinho” Batbold
Erdenedalai “maaRaa” Bayanbat (дасгалжуулагч)
Шинжээч Трэвис “Trav” Ландау Мотт олон нийтийн сүлжээнд:
“The Mongolz багт хэдэн хувилбар санал болгоё.
1. 2026 он болтол Chinggis Warriors багийн yAmi буюу Yalalt Oyunbileg-ийг авах. Ями мейжорт ямар нэг багийн мэдүүлэгт ороогүй байна. Богино хугацааны шийдвэр бол энэ.
2. Буриадын Майдар Nocries-ийг элсүүлэх. Майдар Хойд Америкт тоглох хүсэлтэй ч The MongolZ багаас урилга ирвэл татгалзахгүй нь ойлгомжтой. Майдартай урт хугацааны гэрээ байгуулсан ч болно.
3. Украины s1mple-ийг стендин болгож авбал их хөгжилтэй байх болно” гэжээ.
