АНУ-ын Ерөнхийлөгч Дональд Трамп Саудын Арабын ханхүү Мухаммед бин Салманд зориулан, хүлээн авалт хийлээ.
Тус хүлээн авалтад ФИФА-гийн Ерөнхийлөгч Жанни Инфантино, Илон Маск, Тим Кук, Майкл Делл, Чак Роббинс, Женсен Хуанг, Тарек Амин, Лиза Су, Майк Вирт, Дэвид Эллисон нарын том бизнес эрхлэгчид, хөлбөмбөгчин Криштиану Роналду нар уригджээ.
Үдэшлэгийг нээж үг хэлсэн Трамп “Миний хүү Роналдуг шүтдэг. Роналду өнөөдөр энд байгаад чинь баярлалаа. Энэ бол нэр төрийн хэрэг. Бэррон хүүгээ Роналдутай танилцуулсан. Одоо хүү минь намайг илүү хүндэлдэг болсон гэж итгэж байна” гэж хэлсэн байна. Роналду түүний сүйт бүсгүй Жоржина нарын хийсэн селфи зураг дэлхий даяар маш хурдан таржээ.
