БНСУ-ын алдарт дуучин G-Dragon Хонконгийн орн сууцны цогцолборт гарсан гал түймрийн хохирогчдод 2 тэрбум воны (ойролцоогоор 1,5 сая ам.доллар) хандив өргөлөө. Тэрээр хандиваа Хонконгийн засгийн газрын байгуулсан “Wang Fuk Court-г дэмжих сан”-д өргөсөн бөгөөд түүний хандивыг гал сөнөөгчид, онцгой байдлын албаныхныг дэмжихэд мөн зориулахыг хүссэн байна. Мөн G-Dragon-той хамтран ажилладаг “Just Peace Foundation” сангаас гөл сөнөөгч, онцгой байдлын ажилтнуудад сэтгэл зүйн дэмжлэг, эмчилгээний тусламж үзүүлэхээр болжээ.
Гал түймэр 11 дүгээр сарын 26-нд гарч, одоогийн байдлаар 146 хүн амиа алдаад байгаа. Харин 29-нд нь Хонконгод “MAMA Awards 2025” шагнал гардуулах ёслол болж, G-Dragon “Оны шилдэг уран бүтээлч”-ээр шалгарсан. Ёслолын үеэр тэрээр хэдий баяртай байгаа ч гал түймрийн улмаас сэтгэл нь маш гунигтай байгаагаа хэлээд хандив өргөсөн. Энэ үдэш тэрээр Оны шилдэг уран бүтээлчээс Dance Performance (Male Solo), Best Male Artist, Fans’ Choice Male, нийт 4 шагнал хүртсэн билээ.
