1 мин

Франц залуу Канадын франц хэлний шалгалтад бүдэрчээ

Г.Сүрэн 2021.04.08 3 1 1

2

Канадын Кэбэк мужийн жолоочийн хөтөлбөрт оролцохоор виз мэдүүлсэн 39 настай франц залуу Йохан Фламэн тус улсын франц хэлний шалгалтад бүдэрчээ. Тэр Guardian-д өгсөн ярилцлагадаа "Би чинь төрөлхийн франц хэлтэй франц хүн. Гадаад хүн франц хэлний шалгалтад бүдэрлээ гэвэл ойлгохсон. Гэтэл өөрийн хэлээрээ ийм шалгалт өгөөд "унасандаа" маш их гайхширч балмагдсан. Канад улс яах аргагүй гадаад иргэдэд хэтэрхий хатуу хандаж байна. Франц хэлээр ярьдаггүй мужид очиход ч франц хэлний шалгалт өгөхийг шаардсан" гэжээ.

Канад улс англи, франц гэсэн хоёр албан ёсны хэлтэй бөгөөд нийт иргэдийн 86.2 хувь нь англи хэлээр, 29.8 хувь нь франц хэлээр харилцдаг. Ийнхүү гадаад иргэдээс авах хэлний шалгалтаа дэндүү хатуу авч буй нь тус улсын цагаачлалын хатуу дүрэм журамтай холбоотойг Фламэн дурджээ. 

Г.Сүрэн 2021.04.08

2