Венесуэлийн Ерөнхийлөгч Николас Мадурог гэрээс нь баривчилж чадсан АНУ-ын тусгай ажиллагаа дэлхий нийтийн гайхлыг төрүүлсэн хэвээр байна. Украины Ерөнхийлөгч Зеленский тус ажиллагааны дараа АНУ-д Чеченийн тэргүүн Рамзан Кадыровыг “хулгайлахыг захиалсан” бол Их Британийн БХЯ-ны сайд Жон Хили бүр том “бай” онилжээ.
“Kyiv Independent”-ийн сэтгүүлч Крис Йорк түүнээс “АНУ шиг ажиллагаа явуулж чадна гэвэл та дэлхийн төр засгийн тэргүүдээс хэнийг нь барих хүсэлтэй байгаа вэ” гэж асуухад Хили “Владимир Путиныг барьж хориод, цэргийн гэмт хэргийн хариуцлагыг нь хүлээлгэх байсан” гэж хариулжээ.
Үүний хариуд ОХУ-ын ГХЯ-ны албан ёсны төлөөлөгч Мария Захарова “Британийн гаж донтнуудын нойтон зөгнөл” гэж хэлсэн байна.
