Италид "Милан Кортина 2026" өвлийн Паралимпын наадам үргэлжлэн явагдаж байна. Тус наадамд манай улсаас 3 тамирчин оролцож байгаа.
Өчигдөр гүйлтийн цанын тэмцээний дундын зай буюу 10 км зайн уралдаан боллоо. Нийт 25 тамирчин гараанд гарч сонгомол техникээр уралдлаа.
Монгол Улсын тамирчин, ОУХМ Б.Ганболд 34:40 цагийн амжилтаар 21 дүгээр байр, ОУХМ Ц.Дашдорж 34:49 цагийн үзүүлэлтээр 22 дугаар байранд шалгарлаа.
Пара гүйлтийн цанын хоёр тамирчин 3 дугаар сарын 15-ны өдөр холын зай 20 км зайд хурд сорино.
