БНХАУ-ын Хайнан мужийн Саньяа аралд Азийн элсний VI наадам энэ сарын 22-30-ны өдрүүдэд зохион байгуулагдана. Энэ өдөр ОУОХ-ны гишүүн, МҮОХ-ны ерөнхийлөгч Б.Баттүшиг тус наадамд өрсөлдөх Монголын баг тамирчдад амжилт хүсч, Монгол Улсын тугийг гардуулан өглөө.
14 спортын 15 төрөлд зохион байгуулагдах тус наадамд Монгол Улсаа төлөөлж, 8 спортын төрөлд 50 тамирчин өрсөлдөх бөгөөд багийн ахлагчаар МҮОХ-ны гүйцэтгэх зөвлөлийн гишүүн Л.Мягмаржав ажиллах юм.
“Саньяа 202”6 Азийн Элсний наадамд оролцох Монголын баг:
-Сагсан бөмбөг 3X3: Эрэгтэй баг 4, эмэгтэй баг 4 тамирчин
-Хөнгөн атлетик: 2 тамирчин
-Элсний Гандбол: Эмэгтэй баг 10 тамирчин, эрэгтэй баг 7 тамирчин
-Триатлон (Акуатлон): 2 тамирчин
-Жюү жицү: 12 тамирчин
-Текбол: 2 тамирчин
-Элсний волейбол: Эмэгтэй баг 2 тамирчин, Эрэгтэй баг 2 тамирчин
-Элсний бөх: 4 тамирчин
