"Токио-2020" Олимпийн наадамд оролцох Монгол багийн тугчаар сонгогдоод буй сагсан бөмбөгийн тамирчин О.Хулангийн тухай баримтуудыг хүргэж байна.
1. О.Хулан 1999 оны 7 сарын 27-нд төрсөн.
Тэр Монголын сагсан бөмбөгийн багийн хамгийн залуу тамирчин.
2. Түүний өндөр 180 см, жин 65 кг.
3. Тэр МУИС-ийг санхүү, менежментийн чиглэлээр төгссөн.
4. Тэр ЕБС-ийн ахлах ангид байхаасаа сагсан бөмбөг сонирхож эхэлсэн.
Харин оюутан болоод сагсан бөмбөгөөр тууштай хичээллэн, амжилт гаргаж, үндэсний шигшээ багийн гишүүн болжээ.
5. Тэр 23 нас хүртэлх насны ДАШТ-ий тавдугаар байрын шагналтай.
6. О.Хулан дэлхийд чансаагаараа 338-т, Монголд 11-т бичигддэг.
7. Тэр ахаасаа хамгийн их үлгэр дууриал авдаг бөгөөд Малдив улсад болсон Азийн клубуудын АШТ-ээс ахтайгаа хамт медаль авсан. Мөн хоёулаа MGL3X3 лигт түрүүлсэн.
8. О.Хулан NBA-ын тоглогчдоос Стивин Карриг шүтдэг.
9. О.Хулан нь 3х3 сагсан бөмбөгийн “Улаанбаатар Амазонс” баг болон Үндэсний шигшээд хамаардаг тамирчин юм.
