Энэ хичээлийн жилд ЕБС-иудад 30 СЭТГЭЛ ЗҮЙЧ ажиллана
Манай орны өсвөр үеийнхний хэрэгцээг тодорхойлох судалгаагаар хүүхдүүдийн 25.7 хувь нь ганцаардал болон сэтгэл гутралд ордог гэсэн дүн гарсан байдаг. Хувь хүн болон төлөвших, сэтгэл зүйгээ ойлгон удирдах чадварт суралцах нь ЕБС-ийн хүүхдүүдийн хувьд нэн чухал хэрэгцээ юм. Тэгвэл энэ хичээлийн жилд ЕБС-ийн 30 сургуульд мэргэжлийн сэтгэл зүйчийг ажиллуулахаар болсон талаар Боловсрол, шинжлэх ухааны яам мэдээллээ.
Боловсрол, шинжлэх ухааны сайдын тушаалаар байгуулагдсан ажлын хэсэг Ерөнхий боловсролын сургуульд сэтгэл зүйч ажиллуулах эрх зүйн орчин болон дэлхийн улс орнуудын туршлагыг харьцуулан судалж, богино, дунд хугацааны төлөвлөлтийг боловсруулсан нь энэ юм.
Ерөнхий боловсролын сургуулийн сэтгэл зүйчийг мэргэшүүлэх сургалтын хөтөлбөрийг боловсруулж, баталсан бөгөөд дээрх сонгон шалгаруулалтад тэнцсэн сэтгэл зүйчдийн сургалтыг 2021 оны 7 дугаар сарын 26-ны өдрөөс эхлүүлэхээр бэлтгэл ажлыг хангаж байна.
"Цаашид илүү олон сургуульд сэтгэл зүйч ажиллуулах боломжийг бүрдүүлэх болно" гэдгийг албаныхан мэдээллээ.
Нийт 30 сургуулийн жагсаалтыг эндээс хараарай.