1 мин

Шумбагч эр Израилийн эргээс 900 жилийн настай загалмайтны илд олжээ

Г.Сүрэн 2021.10.20 2

Израилийн хойд хэсгийн гүехэн усыг судалж явсан шумбагч эр 900 жилийн настай, 1 метр урт загалмайтны илд олжээ. Далайн ургамал, биетээр бүрхэгдсэн уг илдийг судалсан Израилийн эртний эдлэлийн мэргэжилтнүүд 900 жилийн настай буюу 1095-аад онд хамаарах тухай мэдээлжээ. 

XI зууны төгсгөл, XII зууны эхээр үргэлжилсэн загалмайтны аян дайны үеэр олон итгэгчид Ойрхи Дорнод руу аялж, Иерусалим зэрэг нутаг орныг лалын шашинтнуудаас булаан авахыг оролдож байв. Илд олдсон Кармел далайн эрэг дагуу олон зууны турш далайн шуурганы үеэр усан онгоц хөлөглөгчид хоргодож иржээ. Үүнээс улбаалан худалдааны хөлөг онгоцнуудаас археологийн баялаг олдворууд Кармел эргийн дагуу үлдсэн аж.

Илдэнд нааж шигтгэсэн чулуудаас улбаалан багагүй хүнд жинтэй байгаа нь тухайн үеийн дайчид үнэхээр эр бяртай байсныг гэрчлэх юм. 

Эх сурвалж: BBC

Г.Сүрэн 2021.10.20