Хүн-Аалз киноны хамгийн алдартай хорон санаатан, Green Goblin-ий дүрийг Уиллем Дефо 2002 онд бүтээж байсан юм.
Фенүүд түүнийг Spider-Man: No Way Home кинонд эргэн ирэх болсныг дуулаад ихээхэн баярлаж, сэтгэл догдлон хүлээж авсан.
Гэхдээ жүжигчин Уиллем тус кинонд өөрийн ганц л шаардлагыг тавьж, түүнийг хүлээн зөвшөөрсөн тохиолдолд эргэн ирэхээ мэдэгдэж байжээ. Тэр нь Уиллем өөрөө киноныхоо бүх хэсэгт тоглох бөгөөд ямар ч орлон тоглогч байх ёсгүй гэсэн болзол байсан юм.
Өдгөө 66 настай Уиллем киноны тулаант хэсгүүдэд ч өөрөө тоглож, бүхэлд нь өөрийгөө энэ кинонд зориулсан юм. Энэхүү шийдвэр өөрт нь маш чухал байсан бөгөөд зөвшөөрөөгүй тохиолдолд гэрээнд гарын үсэг зурж, кинонд нэгдэхгүй байсан гэдгээ ч тэр хэлсэн юм.
