АНУ-ын комедиан Крис Рок Оскарын тайз дээр үг хэлэх зуураа жүжигчин Жада Смитийг халзан дүрд тогловол зохих тухай хошигноход Жадагийн нөхөр Уилл Смит тайзан дээр гаран алгадсан нь шуугиан тариад байна. Жада Смит нь 2018 онд халцрах өвчнөөр оношлогдон үс нь их хэмжээгээр унах болсон тул өнгөрсөн онд үсээ бүрэн хусуулсан юм. Тэгвэл уг үйл явдлын дараа камерын ард юу болсон бол?
Шууд дамжуулалтын завсарлагааны үеэр Уилл Смит PR төлөөлөгчтэйгөө ярилцаж буй нь камерт бичигджээ. Мөн Жадагийн дэргэд нэг хүн зогсож байна. Дензел Вашингтон, Тайлер Перри нар Уиллийг мөн дэргэдээс нь тайтгаруулж, уураа барихыг зөвлөжээ. Тэднийг ярилцаж дууссаны дараа Уилл эргэн суудалдаа суухдаа нүднээсээ нулимсаа арчсан байдалтай байв.
Крис Рокийг тайзан дээрээс Жадагаар хошигноход Уилл чангаар "Хараал идсэн амаараа миний эхнэрийн нэрийг хэлэх хэрэггүй" хэмээн орилоод, тайзан дээр гаран алгадсан юм.
Одоогоор Крис Рок ямарваа тайлбар хийгээгүй байна.
Эх сурвалж: Esquire.com
