Крис Рок Жада П.Смитийг өмнө нь ч бас "доромжилж" байжээ
Энэ жилийн Оскарын наадмын хамгийн том дуулианы эзэн жүжигчин Уилл Смит байлаа. Жүжигчин Крис Рок Оскарын тайзнаа "Шилдэг баримтат кино" төрлийн ялагчийг зарлахаасаа өмнө уламжлал ёсоор хэд хэдэн хошигнол хэлэв.
Тэдгээрийн нэг нь "Жада П.Смит, чамайг хүндэлж явдаг шүү. Гэхдээ чи J.I. Jane-2"-ийн дүрд тоглоход яг таарахаар болж" гэсэн юм. Энэ нь J.I.Jane киноны халзан дүртэй жишсэн хошигнол бөгөөд жүжигчин Жада П.Смит үс унах өвчнөөр өвдсөнөө нээлттэй зарлаж, үсээ нэг мөр хуссан байсан юм.
Эхнэрийнх нь өвчнөөр дэлхий нийтийн өмнө хошигнол хийсэнд дургүйцсэн Уилл Смит шуудхан тайзнаа алхаж, Крис Рокийг алгадсан билээ. Тэр үүнээс хэдэн хормын дараа "King Richard" киногоороо "Шилдэг эрэгтэй жүжигчин" шагнал хүртэх үеэрээ уучлал хүсч, "Хайр хүнийг заримдаа галзуу зүйл хийхэд хүргэдэг" гэж хэлэв.
Крис Рок Жада П.Смитийг Оскарын тайзнаас "доромжилсон" анхны тохиолдол энэ байгаагүй. 2016 оны Оскарын наадмыг хөтлөх үеэрээ Крис Рок "Жада Оскарын наадамд оролцохгүй гэдгээ зарласан. Эсэргүүцэл үзүүлж байгаа юм гэнэ. Тэр чинь телевизийн шоуны жүжигчин биш билүү. Жада Оскарыг эсэргүүцэж бойкотт хийж байгаа нь би Рианнагийн дотоожийг бойкотт хийсэнтэй яг ижил. Би ч бас уригдаагүй шүү дээ" гэж байв. Тухайн жил Оскарын шагналд нэг ч хар арьст жүжигчин нэр дэвшүүлээгүйд эсэргүүцлээ илэрхийлж, #Оскархэтцагаан гэсэн тэмцэл өрнөж байсан билээ.
g i bald jada 2022.03.30 64.119.23.163
"doromjlol" ntr haha mongolchuud haach bsin yum bndoo haha ork zangaa tatah dahiad 100n jil tehu
0 0 Хариулах
Зочин 2022.03.30 202.21.108.44
Мухахахаха, эхнэрийг нь доромжилсон гээд байгаа тэр үед Вилл Смит арзайтлаа инээгээд өөрөө шоолж байсан шдэ! Бантсандаа гарч алгадсан биз хахаха
0 0 Хариулах
Зочин 2022.03.29 192.82.77.131
Орчуулга нэг л буруу! Зөв орчуулалдаа.
0 0 Хариулах