3 мин

Уран зохиолын салбарт хүч үзэж буй 5 алдартай дуучин

Ub.life 2022.04.18

Алдарт яруу найрагч Силвиа Плат зураач болж, The Runaways хамтлагийн рок дуучин Шери Карри сийлбэрчин болсон гэх мэтээр уран бүтээлчид өөр урлагийн төрөл рүү шилжих нь хэвийн үзэгдэл болжээ. Алдартай одууд авьяасаа хөгжим, урлаг, яруу найраг, зохиол гэх мэт бүх чиглэлд сорьж буй нь шинэ үеийн уран бүтээлчдэд урам зориг өгсөөр байна.

#1 Патти Смит

Рокын бэлэг тэмдэг дуучин Патти Смит "Just Kids" хэмээх гайхалтай дурсамж номоороо 2010 онд Үндэсний номын шагналын эзэн болсон бөгөөд яруу найргийн түүвэр, дурсамж, уянгын түүвэр, роман, зохиол зэрэг хорь гаруй төрлийн номын туурвижээ. Тэрээр сэтэл хөдөлгөм дууны үг, эрч хүчтэй хоолойгоороо олны дунд алдартай бөгөөд Фред Соник Смиттэй гэр бүл зохиосныхоо дараагаар уран зохиолоор дамжуулан мэдрэмжээ илэрхийлэхээр зохиол бичиж эхэлжээ. Түүний хамгийн сүүлийн ном "The New Jerusalem" юм. 

#2 Лаятьс

Хөгжмийн карьер нь маш амжилттай явж байгаа шинэхэн уран бүтээлч Лаятьс саяхан аялан тоглолтоо дуусгаад буй. Түүний бүтээлүүдийг зөвхөн АНУ-д л гэхэд 100 сая гаруй удаа тоглуулсан төдийгүй JUNO хөгжмийн наадмын хоёр шагналын эзэн болжээ. Гэсэн ч тэрээр дуу хөгжмөөр дамжуулан нийтэд хэлэхийг хүссэн бүхнээ илэрхийлж чадахгүйгээ ойлгон “Skin & Earth” хэмээх график романаа бүтээжээ. График роман бичиж, дүрсэлсэн нь өөрийгөө урьд өмнө байгаагүй байдлаар илэрхийлэхэд тусалсан гэдгийг тэр онцолсон удаатай. 

#3 Ник Кейв

Австралийн алдарт уран бүтээлч Ник Кейв нь “Nick Cave and the Bad Seeds” хамтлагийн гоцлол дуучин гэдгээрээ олонд танигдсан. Тэрээр дуундаа шашин шүтлэг, хайр дурлал, үхэл, хүчирхийлэл гэх мэт хурц сэдвийг шингээдгээрээ алдартай. Ник Кейв нь хэдэн арван жил амжилттай байсан хөгжмийн карьераа үл харгалзан яруу найргийн салбарт хүч сорьсон бөгөөд" And the Ass Saw the Angel" болон "The Death of Bunny Munro" хэмээх романаа хэвлүүлсэн нь багагүй амжилт олжээ. 

#4 Кортни Лав

“Hole” хэмээх гранж хамтлагийн гоцлол эмэгтэй дуучин Кортни Лав манга цувралын зохиолч гэдгийг та мэдэх үү? 2004 онд Кортни Лав нь Dj.Milky нэрээрээ алдартай манга зохиолч Стю Левитэй хамтран “Princess Ai” хэмээх манга цувралыг бүтээжээ. Анх гурван боть хэвлэгдсэн "Princess Ai" бүтээл нь одоо "Ai" буддаг ном, "Ai" богино өгүүллэг, "Ai" комик гэх мэтээр олон төрөлд тэлсээр байгаа нь уг мангаг хэр гайхалтайг харуулж байна.

#5 Колин Мелой

Колин Мелой "The Decemberists" хэмээх инди-рок хамтлагийн гоцлол дуучин, ая зохиогчийн хувиар олонд танигдсан бөгөөд түүний дууны үгс нь түүхэн үйл явдал, ардын аман зохиолд төвлөрдгөөрөө сонсогчдын анхаарлыг татдаг. Тэрээр "Wildwood" хэмээх цуврал үлгэрийн зохиолч бөгөөд уг бүтээл нь хоёр найз нэгэн нууц ертөнцийг нээн олон адал явдалтай учирч буй талаар өгүүлдэг нь “Narnia” зохиолтой төстэй гэж уншигчид онцолжээ.

Бэлтгэсэн: Э.Талстболор

Ub.life 2022.04.18