"Хуванцрын Хаягдалгүй Плэйтаймдъя"
“Playtime” наадмын үеэр давхардсан тоогоор 60 мянган залуус Монгол шигтгээнд очно. Иймд төдий хэмжээний хуванцар савны хаягдал үүснэ гэсэн үг. Тус наадмын стратегийн түнш “MCS Coca-Cola” компаниас “Хуванцрын Хаягдалгүй Плэйтаймдъя” уриалгыг дэвшүүлжээ.
“Playtime” наадмыг зохион байгуулагчдаас 20 гаруй хог ангилан ялгах цэгийг суурин байдлаар ажиллуулж байгаа. Тиймээс “Хуванцрын Хаягдалгүй Плэйтаймдъя” уриалгаа бодит ажил болгохоор тухайн цэгүүд болон бусад хэсэгт сайн дурын 20 ажилтныг явуулын хэлбэрээр ажиллуулж байна.
Дөрвөн өдрийн туршид хуванцрын хаягдалгүй Плэйтаймдахын тулд хог хаядаггүй күүл залуусын оролцоотойгоор энэ бүхэн хэрэгжинэ гэдгийг мартуузай. Эко саванд тухайн хуванцрын овор хэмжээг аль болох багасгаж хийлгэнэ. Үүний үр дүнд хүмүүсийг хуванцрыг ангилан ялгах дадал хэвшилд мөн сургах ач тустай.
Цуглуулсан хуванцрын хаягдлыг “MCS Coca-Cola” компанийн хуванцар сав дахин боловсруулах “TML” үйлдвэрт тухай бүрт нь шууд хүлээлгэн өгөх аж. Ингээд тус үйлдвэрт дахин боловсруулагдсан хуванцар эцсийн шатны бүтээгдэхүүн болохоор гадаад руу экспортлогдох юм.
"Playtime" хөгжмийн наадмын үеэр залуусын хэрэглэсэн хуванцар дахин хуванцар сав болох эсвэл хувцас, гутал, жийнс зэрэг бүтээгдэхүүн болж дахин төрөх нь байна шүү дээ.
Түүнчлэн "Playtime" наадмын үеэр “MCS Coca-Cola” компанийн зүгээс дараах эвентүүдийг хуванцрын хаягдалгүй күүл залууст зориулан бэлтгэжээ.