"Joker: Folie A Deux" киноны албан ёсны нээлтийн тов зарлагдлаа
Найруулагч Тодд Филиппс болон жүжигчин Хоакин Феникс нарын гайхамшигт бүтээл "Joker"-ийн хоёрдугаар анги гарахаар болсон мэдээ өнгөрөгч тавдугаар сард цацагдаж, олон хүмүүсийн сэтгэлийг хөдөлгөсөн билээ.
2019 онд гарсан "Joker" нь "R" буюу насанд хүрэгчдийн ангилал дахь хамгийн их ашиг орлого олсон буюу дэлхий даяар 1.7 тэрбум долларын ашиг олсон билээ.
Мөн Оскарын шагнал гардуулах ёслолоос жүжигчин Хоакин Феникс "Шилдэг эрэгтэй гол дүр"-ийн шагналыг хүртэж, хөгжмийн зохиолч Хильдур Гуднадоуттир "Joker" киноны хөгжмөөрөө мөн Оскар хүртсэн юм.
Хүмүүсийг хамгийн ихээр гайхшруулсан зүйл гэвэл ирэх анги мюзикл хэлбэрээр хийгдэх болсон мэдээ юм.
Мөн дуучин, жүжигчин Лэйди Гагаг тус кинонд тоглох өндөр магадлалтай байгааг дурдсан билээ. Учир нь дараагийн ангид Харли Квинн орж ирэх шум гараад буй.
"Deadline" сайтын мэдээлснээр Joker: Folie A Deux кино 2024 оны 10 сарын 4-нд нээлтээ хийх гэнэ. Юу болохыг бүгдээрээ харах л үлдлээ.